سٹائل کی کہانی -اردو ہے میرا نام
اردو ہے میرا نام میں "خسرو” کی پہیلی
میں "میر” کی ہمراز ہوں "غالب” کی سہیلی
دکّن کے ولی نے مجھے گودی میں کھلایا
"سودا” کے قصیدوں نے میرا حسن بڑھایا
ہے "میر” کی عظمت کہ مجھے چلنا سکھایا
میں "داغ” کے آنگن میں کھلی بن کے چمیلی
"غالب” نے بلندی کا سفر مجھ کو سکھایا
"حالی” نے مرووت کا سبق یاد دلایا
"اقبال” نے آئینہ حق مجھ کو دکھایا
"مومن” نے سجائی میرے خوابوں کی حویلی
ہے "ذوق” کی عظمت کہ دیئے مجھ کو سہارے
"چکبست” کی الفت نے میرے خواب سنوارے
"فانی” نے سجائے میری پلکوں پہ ستارے
"اکبر” نے رچائی میری بے رنگ ہتھیلی
کیوں مجھ کو بناتے ہو تعصب کا نشانہ
میں نے تو کبھی خود کو مسلماں نہیں مانا
دیکھا تھا کبھی میں نے بھی خوشیوں کا زمانہ
اپنے ہی وطن میں میں ہوں مگر آج اکیلی
اردو ہے میرا نام میں "خسرو” کی پہیلی
Ramsha Yusuf
04-Dec-2021 07:30 AM
Nice
Reply
Maria Malik
02-Dec-2021 08:32 PM
Good
Reply